اخبرنا ابو العباس احمد بن محمد بن سعید بن عقدہ قال حدثنا محمد بن المفضل بن ابراھیم قال حدثنی محمد بن عبداللہ بن زرارہ عن محمد بن مروان عن الفضیل بن یسار قال سمعت اباعبداللہ علیہ السلام یقول ۔۔۔۔۔ الخ

فضیل بن یسار سے مروی ہے کہ امام جعفر صادق علیہ السلام نے فرمایا:
جب ہمارا قائم ع ظہور فرمائے گا تو جاہلوں کی طرف سے انہیں بھی ان شدید مزاحمتوں کا سامنا کرنا پڑے گا جن مزاحمتوں کا رسولِ خدا ص کو زمانہ جاہلیت کے ہاتھوں سامنا پڑا تھا
میں نے عرض کیا : یہ کیسے ہوگا ؟

آپ ع نے فرمایا :

” وہ اس طرح کہ جب رسول خدا ص تشریف لائے تو وہ لوگ پتھروں ، چٹانوں ، کھجور کے اونچے اونچے درختوں اور لکڑی کے تراشے ہوئے بتوں کی پرستش کیا کرتے تھے اور ہمارا قائم ع تشریف لائے گا تو لوگ ان کے سامنے اللہ تعالیٰ کی کتاب سے غلط تاویلات اخذ کرکے پیش کریں گے
آپ ع نے پھر ارشاد فرمایا : مگر خدا کی قسم ! امامِ قائم ع ان لوگوں میں اپنا عدل اس انداز میں قائم کریں گے جس طرح لوگوں کے گھروں میں سردی اور گرمی داخل ہوکر اپنا اثر و نفوذ قائم کرلیتی ہے”.

الغیبہ النعمانی ، ص ۳۰۶ ، باب ۱۷ ، ح ۱