جاگیر فدک عطائے رسول (صلی اللہ علیہ و آلہ)
اہل سنت کی ۸ اور اہل تشیع کی ۲ روایات
شیعہ اور اہل سنت کی بہت سی روایات میں بیان ہوا ہے کہ خیبر کے یہودیوں نے رسول خدا (صلی اللہ علیہ و آلہ) کو جب فدک دیا تھا تو انھوں نے فدک اپنی بیٹی زہرا (علیھا السلام) کو عطا کر دیا تھا۔
اس سلسلے میں متعدد روایات شیعہ اور اہل سنت کی کتابوں میں نقل ہوئی ہیں۔
اہل سنت کی کتابوں سے اس سلسلے میں آٹھ روایات اور شیعہ کتابوں سے دو روایات اور خاص کر عطیہ عوفی کی روایت پر ابن کثیر کے اشکالات کا جواب بھی دیں گے۔

ابھی صرف روایت ذکر کر رہے ہیں ان شاء اللہ اس پر جو اعتراضآت ہو گے اس کا جواب اس سے اگلی پوسٹ میں دیا جائے گا 

پہلی روایت: ابو سعید خدری
(با سند صحیح)
ابو یعلی موصلی نے کہ جو اہل سنت کے بزرگان میں سے ہے، اس نے ابو سعید خدری سے روایت کو نقل کیا ہے کہ
قَرَأْتُ عَلَى الْحُسَینِ بْنِ یزِیدَ الطَّحَّانِ فَقَالَ: هُوَ مَا قَرَأْتُ عَلَى سَعِیدِ بْنِ خُثَیمٍ، عَنْ فُضَیلٍ، عَنْ عَطِیةَ، عَنْ أَبِی سَعِیدٍ قَالَ: لَمَّا نَزَلَتِ الآیةُ: وَ آتِ ذَا الْقُرْبَى حَقَّهُ. دَعَى النَّبِی (صلی الله علیه و سلم) فَاطِمَةَ وَ أَعْطَاهَا فَدَكَ”۔
رسول خدا(صلی اللہ علیہ و آلہ) کے معروف صحابی ابو سیعد خدری نے کہا ہے کہ: جب یہ آیت نازل ہوئی کہ “ذوی القربی کا حصہ ان کو عطا کر دیں” تو رسول خدا (صلی اللہ علیہ و آلہ) نے حضرت فاطمہ (سلام اللہ علیہا) کو اپنے پاس بلا کر فدک ان کو عطا کر دیا

اسی طرح اسی روایت کو تھوڑی عبارت کی تبدیلی کے ساتھ ایک دوسری جگہ پر اس طرح نقل کیا ہے کہ

قَرَأْتُ عَلَى الْحُسَینِ بْنِ یزِیدَ الطَّحَّانِ، حَدَّثَنَا سَعِیدُ بْنُ خُثَیمٍ، عَنْ فُضَیلٍ، عَنْ عَطِیةَ، عَنْ أَبِی سَعِیدٍ الْخُدْرِی،
قَالَ
لَمَّا نَزَلَتْ هَذِهِ الآیةُ: “وَآتِ ذَا الْقُرْبَى حَقَّهُ” دَعَا النَّبِی صلی الله علیه و سلم فَاطِمَةَ وَ أَعْطَاهَا فَدَكَ“

سیوطى جو کہ اہل سنت کا معروف عالم ہے، اس نے اپنی کتاب الدر المنثور میں اہل سنت کے چند علماء کے نام کو ذکر کیا ہے کہ جہنوں نے اپنی کتب میں ابو سعید کی روایت کو نقل کیا ہے:

و أخرج البزار و أبو یعلى و ابن أبی حاتم و ابن مردویه عن أبی سعید الخدری رضی الله عنه.
قال:
لما نزلت هذه الآیة «وَآتِ ذَا الْقُرْبَى حَقَّهُ» دعا رسول الله صلى الله علیه و سلم فاطمة فأعطاها فدك۔
بزار، أبو یعلى، ابن أبی حاتم اور ابن مردویہ نے ابو سعید کے ذریعے سے اس واقعے کو نقل کیا ہے کہ ابو سعید نے کہا ہے کہ: جب آیت وَآتِ ذَا الْقُرْبَى حَقَّهُ، نازل ہوئی تو رسول خدا (صلی اللہ علیہ و آلہ) نے اپنی بیٹی فاطمہ (علیھا السلام) کو اپنے پاس بلا کر فدک ان کو عطا کر دیا۔

اس کی سند پر جو اشکالات ہوگے ان شاء اللہ آگے اس کا جواب دیا جائے گا